طموحي اتجوز

من منظور الغربه ..

أوشكت السنة الدراسية علي الانتهاء .. وكاعاده بعض الطلاب يفضلوا أنهم يجوا المدرسة قبل موعد انتهاء الدراسة بكام يوم كده , وده طبعا لحرصهم الشديد علي اخذ قد كافي من معلومات عن الامتحان النهائي , وغالبا ما بيكون الطلاب دول مصريين , نظرا لأنهم عرفيهم إن القدرات كفيله بأنها تخسف بالمجموع ,وعندهم أحاطه كاملة بظروف التنسيق عامل أزاي , فطبعا لازم يكون مجموع المدرسة كامل , علي أمل أنهم هيكون ليهم مكان في جامعه حكوميه وقسم كويس ..

نرجع لمرجعنا وهم الطلاب المصريين ,,

في جالسه لا يزيد عددها عن حوالي ثمانية أشخاص دار الحوار , والي كان اغلبه في إطار الاسئلة المعتادة لدي بعض الطلاب  ..

عوزه تدخلي ايه ؟ هندسه لا لا بلاش صعبه . . ما انا عارفه بس اهلي مصرين .

 طب !! ها تعملي في نفسك كده ليه مش هتقومي من علي الكتاب صدقيني  .. عادي عشان اكون دكتوره ذي بابا .

 صيدله حلوه وسمعت ان فيها تخصصات جديده ..

انا بقي نفسي ادخل أعلام , من زمان بحلم أكون مذيعه , الخ...........

وبعد حديث طويل اوشك علي الانتهاء , ولكنه لم ينتهي !!

سامعنا اخر رد فيه والي كان : الي هيجي في التنسيق هتدخلوا اهو اسمي متخرجه من جامعه !

طيب طموحك , واحلامك , وتعب 12 سنه دراسه !

ده كان اول كلام اقوله بعد أن انتهي دوري كامستامعه ومشاهده ..

ردها علي  سؤالي كان كفيل انه ينسيني اجابه السؤال الاول ..

طموحي واحلام اتجوز الولد الي قلبي يختاره , وتعليمي كله هسخره لاولادي في المستقبل ان شاء الله ..

بعد مرور القليل من الساعات انتهي اليوم الدراسي ..

وكان كلام البنت هو محور تفكيري

هل ممكن فعلا إن يكون الطموح هو بس الجواز و بعده يبقي انتهي الدور ؟!

مع احترامي لكل واحده تجوزت وسخرت حياتها لأولدها وزوجها , أزاي إنشا أجيال وانمي فيهم حب الطموح والأحلام وان ما فيش حاجه مستحيله , وأنا كان كل طموحي أتجوز إلي قلبه يختاره !!

دور المرأة مستمر , سواء أتجوزت أو لا ..

الجواز ممكن يكون حلم واحد من احلام كتير المفروض تسعي انك تحققيها , مش هو الحلم اللي الحياه تتبني عليه

يعني ادخل طب عشان اخد دكتور

وهندسه عشان يجيلي مهندس

لو كل واحده فكرت التفكير ده يبقي نستعوض ربنا في المرأة العاملة !

طول ما هدف الوحيد هو العريس المناسب , يبقي عمرك ما هتسعي لحاجه غيره

ذي ما انتي عايزه واحد مثقف و معاه شهاده

دي كمان من اقل حقوقه !

الفكره كلها بتتلخص , لو المرأة مثقفه ,ثقفتها تنعكس علي كل فرد حواليها

دعوه لكسر حاجز الجواز .. دعونا نتخلص من تلخيص نظره ان البنت ملهاش غير بيتها و اولادها

حققي حلمك وطموحك العمر طويل .. كوني في نظره كل حاجه , مش مجرد واحده بتربيله  اولاده ..